Dilso'z tahallusi bilan estradamizga kirib kelgan yangi yulduzimiz Go'zal Jumaniyozova 1989-yil Navoiy shahrida tavallud topdi. U Navoiy shahridagi 11-maktabni tamomladi. Maktabda o'qish bilan birga tadbirlarda qo'shiq ham kuylab turardi. Maktab davrida eng sevgan qo'shig'i bu Jasur Mirsagatovning "O xayot" qo'shig'i edi. Shu qo'shiqni juda mahorat bilan ijro etardi. Dilso'z maktabni tamomlagandan so'ng, Navoiydagi "Madaniyat va san'at kolleji"ning xor direjyorlik bo'limini tamomlaydi. Undan so'ng esa xonanda Navoiy Pedagogika institutining "Pedagogika fakulteti"ning musiqiy ta'lim bo'limini tamomlaydi. Shu bilan birga tinib-tinchimas Dilso'z qo'shiq kuylashni ham davom ettirmoqda. Uning TV va radioto'lqinlari orqali 3 ta qo'shig'i namoyish etildi. Uning qo'shiqlari muhlislarga juda ham ma'qul bo'lib "Jonim ozori" va "Sevikli yorim" qo'shiqlari xit darajaga yetdi. Xonanda o'qish bilan bir vaqtning o'zida "New Star Media" markazida o'z faoliyatini olib borgan.
Muxlislar olqishidan ilxomlangan Dilso'z Ketma-Ket ajoyib va xit taronalarni taqdim etib bordi. Bularga misol qilib: Otajon, Begim, Begimey-2, Sog'indim Yomon larni keltirishimiz mumkin.
Ushbu taronalar ichida xalq ichida Begim taronasi juda ham katta e'tiborga sabab bo'lgan, Dilso'z deb atamasdan, Begim taronasini ijro etgan qiz deb ham atashadi.
Dilso'z yani Go'zal Jumaniyozova Sobiq Mango guruhining a'zosi Farrux Raimov ga turmushga chiqadi. Ularning nikoh to‘yi 2015 yil 15-aprelda Navoiyda va 21-aprelda Toshkentda to'yu-tantana o'tkazishgan. Ular shou-biznesning eng go'zal juftliklaridan biri desak adashmaymiz.
2015 8-oktabr kuni, Toshkent vaqti bilan soat 15:40 larda Toshkentdagi 6-tug‘uruqxonada Xonanda Dilso'z va Farimovning sof muxabbatlari mevasi bo'lmush go'zal qizaloqlari dunyoga keladi. Go'zal Jumaniyozova (Dilso'z) o'z qiziga taxallusini ism qilib beradi, ya'ni qiziga Dilso'z deya ism qo'yadi.
