Furqatbek Jabbarov shaxsiy blogi

Amitabx Bachchan hayoti va ijodi

jabbarovfurqat — Fri, 12 May 2017 12:19:54 GMT

Amitabx Bachchan (1942.11.10, Illoh-obod) — hind aktyori. "Zanjir", "Devor", "Shakti", "Don", "Mister Natvarlal", "Inqilob", "Silsila", "Oʻlim xudosi" kabi bir qancha filmlarda suratga tushgan. Ayniqsa, "Shahanshoh" filmidagi Shahanshoh obrazi unga katta shuhrat keltirdi. U ziyolilar oilasida tugʻilgan, uning otasi , Xarivansh Ray Bachchan mashhur shoir boʻlgan. Amitabx Bachchanning bir ukasi bor. 1973-yilda Amitabx Bachchan aktrisa Jaya Baxaduri bilan turmush qurdi, ularning hozirda ikki farzandi bor bir oʻgʻil Abxishek Bachchan bir qiz Shveta Bachchan. U katta filmdagi ilk debyut rolini 1969-yil "Yetti hindistonlik" filmida ijro etgan va bu roli uchun milliy mukofot bilan taqdirlangan. Undan soʻng Anand filmida bosh rol ijro etdi, bu roli unga Filmfare Award kino festivalida yana bir mukofot olib keldi.

1984-yilda, mashhurlik to'lqinida, Amitabh Bachchan o'z ona shaharida parlament uchun ishlaydigan bo'ldi, va katta ustunlik bilan saylovda g'olib chiqdi. Biroq, 1987-yildan so'ng siyosat iste'foga chiqdi va kinoga qaytdi.

2000 - yildan 2005-yilgacha Amitabh Bachchan televizion o'yin "Kim millioner boʻlishni istaydi ?" Hind versiyasini olib bordi va 2007 yilda Shahrukh Khanga oʻz oʻrnini boʻshatdi. 2010 yildan boshlab, yana TV Taqdimotchi kafedrasini olib bordi.

Filmografiyasi

Buyuk getsbi (2013)
Matonat (2013)
Otdel (2012)
Band qilish (2011)
Keksa Bbuda (2011)
Telekanallar urushi (2010)
Uch qarta (2010)
Dada (2009)
Aladin (2009)
Sen buyuksan (2008)
Ota izidan (2008)
Ruh (2008)
Yaar Meri Zindagi (2008)
Jodxa va Akbar (2008)
Shuhratparaslik qurboni (2007)
Qasos va qonun (2007)
Qani raqsga tush (2007)
Siz bilan (2007)
Iokondvaldagi otishma)(2007)
Muhabbat retsepi: Shakarsiz (2007)
Eklaviya (2007)
Dada (2006)
Ganga (2006)
Hech qachon alvido demang (2006)
Qo'rqmas (2006)
Oila (2006)
Soqchi (2005)
Qalb (2005)
Adolat (2005)
Ota izidan (2005)
Sevgi farishtasi (2005)
Banti va Babli (2005)
Kim o'zar (2005)
So'ngi umid (2005)
Qushlar (2005)
Vafo (2004)
Vir va Zara (2004)
Uzoq kutilgan (2004)
Sevib qolding-mi? (2004)
Devor (2004)
Maqsad (2004)
Ustoz (2004)
Insaaf: The Justice (2004)
Tumor (2004)
Eng yuqori (2004)
Ishonch (2004)
Sarguzasht (2003)
Sevgi va xiyonat (2003)
Mening hayotim (2003)
Shovqin (2003)
Ishonch (2001)
Begona (2002)
Olov va yomg'ir (2002)
Bizni sezishmaydi (2002)
Xavfli o'yin (2002)
Gohi shodlik gohi gʻam (2001)
Takror (2001)
Sevgi zanjiri (2001)
Sevishganlar (2000)
Kohram (1999)
Qo`poruvchi (1999)
Quyoshli sulola (1999)
Qizil shox (1999)
Sheriklar (1998)
Janob mayor (1998)
O`lim farishtasi (1997)
Orzular biz bilan (1996)
Akka (1994)
Insoniyat (1994)
Xudo guvoh (1992)
Diktator hokimyati (1992)
Yolg'izlik (1991)
Inderjit (1991)
Qora shaxzoda (1991)
Do`stlar (1991)
Haqiqiy Arjun (1990)
Alangali yo`l (1990)
Men ozodman (1989)
Sexirgar (1989)
To`fon (1989)
Bo`lim (1989)
Ganga, Jamna, Sarasvati (1988)
Soorma Bhopali (1988)
Qirol (1988)
Intiqom va jinoyat (1986)
Raja (1985)
Aybsiz aybdorlar (1985)
Aroqxo'r (1984)
Kanoon Kya Karega (1984)
Beshavqat (1984)
Ko'rinmas qonun (1983)
Yashasin erkinlik (1983)
Hammol (1983)
Ajabo (1983)
Jazo (1983)
Sadoqatli xizmatkor (1982)
Uch aka-ukalar (1982)
Shakti (1982)
Vatanparvar (1982)
Beqiyos (1982)
Kuchli yettilik (1982)
Kaliy (1981)
Ishq (1981)
Yetim (1981)
Taqdir (1981)
Yomg'rli tun (1981)
Qalin do`stlik (1981)
Ram va Balram (1980)
Go`zal hayot (1980)
Ishonchli do`stlar (1980)
Ikkita ikki - besh (1980)
Jasur (1979)
Oila baxti (1979)
Qora tosh (1979)
Kechir (1979)
Qasos (1979)
Katta o`yin (1979)
Bezbet (1978)
Taqdir hukmi (1978)
Uch ayrilgan nayza (1978)
Boshliq (1978)
Vaʼdaboz (1978)
Qasam (1978)
Amar, Akbar, Antoni (1977)
Tarbiya (1977)
Orzular ohangi (1977)
Charandas (1977)
Do`stlik (1977)
Imon va e'tiqod (1977)
Adliya (1976)
Ikki notanish (1976)
Olifta (1976)
Sevgi - bu hayot (1976)
Vtixarya (1975)
Devor (1975)
Mili (1975)
Shirin (1975)
Qasos va qonun (1975)
Vijdon (1975)
Non (1974)
Hindlar oilasi (1969)

Shoxrukxon hayoti va ijodi

jabbarovfurqat — Fri, 12 May 2017 12:13:08 GMT

Shahrukh Khan ingl. Shahrukh Khan(hindi. शाहरुख़ ख़ान, urdu: شاہ رخ خان, [ʃaːɦ.ɾʊx.xaːn], ingl. Shahrukh Khan (talaffuzi: Shohruh Xon) — hind kino aktori, produser, ssenarist, teleboshlovchi. Bollivud qiroli taxallusi bilan tanilgan.

Shohruh Xon 1965-yil 2-noyabrda advokat oilasida dunyoga keldi. Uning otasi Taj Muhammad Xon Peshovaralik boʻlib Nyu Dehliga koʻchib borgan edi. Shohrux Xon oʻrta maktabni tamomlab Dehli 1988-yili Dehlidagi Dehli universitetini iqtisodiyot yoʻnalishinida magistraturani tamomlanadi. Ammo qiziqishi tufayli aktorlik kasbini tanladi.. Ota-onasi vafotidan soʻng, 1991-yilda, u Bombayga koʻchib oʻtdi. Xuddi shu yili, 25-oktabr kuni, Shohrux xon Gauri Chhibberga uylandi. Hozirda ularning uch farzandi bor.

U 1988-yilda televideniyeda bir oddiy aktor sifatida oʻz debyutini qildi. Bir necha televizion filmlarda ketma-ket kichik rollar oʻynadi. Birinchi katta roli 1992-yilda „Crazy Love“ oʻzb. Telba muhabbat filmida oʻynagan. Bu roli uchun, u eng yaxshi Newcomer Filmfare Award mukofotini oldi. 1993 yilda u ikki salbiy rollari uchun — „Qoʻrquv ostida yashash“ va „Xavfli oʻyin“ filmlardagi roli uchun Filmfare mukofoti bilan taqdirlandi. 1994-yilda u yana u eng yaxshi salbiy roli uchun Filmfare mukofotini oldi.

Yana bir Filmfare Awards mukofotini esa 1995-yildagi filmi uchun „Dilwale Dulhania Le Jayenge“oʻzb. O'g'irlanmagan kelin filmidagi roli uchun oldi. Bu film u hind kino tarixida eng yuqori choʻqilarga erishdi, film keltirgan daromad esa 12 milliard rupiyani tashkil edti. Keyinchalik eng yaxshi aktor nomzodini yana olti marta oldi. 2010-yilga kelib Karan Joharning „Mening ismim Xon“ filmidagi bosh roli uchun Filmfare mukofotini yana qoʻlga kiritib Filmfare mukofoti boʻyicha rekord qoʻydi. 2014-yilga qadar bu mukofotni 23 martda qoʻlga kiritgan.

2007-yildan boshlab, Sh.Xon „Kim millioner boʻlishni istaydi ?“ televizion oʻyinini Amitabx Bachchandan keyin olib bordi.
2008 — yildan boshlab esa Kim 5-sinfdan aqliroq ? Hind versiyasini olib bordi.
2004-yildan 2010-yilga qadar Sh.Xon Karan Joharning Karan Johar qaxvaxonasida degan koʻrsatuvda olti marta qatnashdi.
2011-yil fevral oyidan boshlab, Sh.Xon teleshou Zor Ka Jhatka bu koʻrasatuv juda qiziqarli va turli xil voqealarni oʻziga jam qilgan haqiqiy tok-shou. Koʻrsatuvning asil nomi Wipeout

Alisher Uzoqov hayoti va ijodi

jabbarovfurqat — Fri, 12 May 2017 11:54:47 GMT

Alisher Uzoqov (1984-yil 25-avgust kuni tugʻilgan) — oʻzbek kino aktyori, rejissori, qoʻshiqchisi va professional futbolchisi Uzoqov 2009-yil olingan „Janob hech kim“ filmida oʻynagan rolidan keyin Oʻzbekistonda shuhrat qozondi. Undan keyingi yillarda aktyor bir necha kinokomediyada rol ijro etdi. Uzoqov bir necha qoʻshiq ham ijro etgan.

Uzoqov oʻzini rejissor sifatida ham sinab koʻrdi. U hozirgacha uch filmga, yaʼni „Mening akam boʻydoq!“ (2011), „Endi dadam boʻydoq?“ (2012) hamda „Kuzda gullagan daraxt“ (2015) filmlariga rejissorlik qildi. 2013-yil aktyor filmlarda boshqa rol ijro etmasligini eʼlon qildi, lekin undan keyingi yillarda bir necha filmda rol oʻynadi.

A.Uzoqov 2012-yildan beri Futbol boʻyicha Oʻzbekiston birinchi ligasida bellashuvchi Istiqlol futbol klubida oʻynab keladi. 2016-yil u Andijon viloyati futbol federatsiyasining birinchi vitse-prezidenti etib tayinlandi

Alisher Uzoqov 1984-yil 25-avgustda Toshkentda tugʻilgan Uzoqov taniqli mumtoz qoʻshiqchi Maʼmurjon Uzoqovning nevarasidir. Otasi Muhammadjon Uzoqov aktyor va qoʻshiqchidir Onasi Shohida Uzoqova ham aktrisa boʻlib, oʻgʻli bilan bir necha filmda, jumladan, „Soʻnggi lahza“ (2009), „Tundan tonggacha“ (2009), „Mening akam boʻydoq!“ (2011), „Uchrashuv“ (2011), „Soʻnggi qoʻngʻiroq“ (2012) hamda „Tundan tonggacha davom etadi...“ (2012) filmlarida birga rol ijro etgan. Uzoqov oilali boʻlib, bir oʻgʻli va bir qizi bor.

Uzoqov 2012-yildan beri Futbol boʻyicha Oʻzbekiston birinchi ligasida bellashuvchi Istiqlol futbol klubida oʻynab keladi. 2016-yil u Andijon viloyati futbol federatsiyasining birinchi vitse-prezidenti etib tayinlandi.

Eminem hayoti va ijodi

jabbarovfurqat — Fri, 12 May 2017 11:21:53 GMT

Marshall Bruce Mathers III (talaffuzi: Marshall Brus Mazers; 17-oktabr, 1972) Eminem taxallusi ostida tanilgan amerikalik rapchi, produser, qoʻshiqnavis va aktordir. Slim Shady ismli alter egosi bor. Yakkaxon ijodidan tashqari, Eminem oʻzining D12 guruhi va Bad Meets Evil dueti aʼzosi hamdir. Eminem jahonda eng koʻp sotgan musiqachilardan biri, 2000-yillarda eng koʻp sotgan artistdir. U qator jurnallar, jumladan Rolling Stone tomonidan eng buyuk artistlar roʻyxatiga kiritilgan. Rolling Stone unga shuningdek Hip Hop Qiroli unvonini bergan. Eminem Billboard albomlar charti tepasini oʻn marta egallagan. Uning albomlari dunyoda 115 milliondan, singllari 120 milliondan ortiq nusxada sotilgan. Qoʻshma Shtatlarning oʻzida 49,1 million albom va 42 million trek sotgan.

1996-yil avgustida oʻzining birinchi mustaqil Infinite albomini chiqargan Eminem keng shuhratga 1999-yil fevralida chiqqan The Slim Shady LP albomi bilan erishdi. Albom Eminem'ga uning birinchi Grammy mukofotini keltirdi. The Slim Shady LPdan keyin 2000-yil mayida The Marshall Mathers LP va 2002-yil mayida The Eminem Show chiqib, ularning ikkovi ham Eng Yaxshi Rap Albom nominatsiyasida Grammy mukofoti oldi, natijada Eminem shu nominatsiyada ketma-ket uch marta mukofot olgan birinchi artist boʻldi. 2004-yil noyabrida Encore albomi chiqdi. 2005-yil konsert turnesidan keyin Eminem taʼtilga chiqdi. 2009-yil mayida Relapse nomli oltinchi albomini chiqardi. 2010-yil iyunida Eminem yettinchi, Recovery albomini chiqardi. Recovery butunjahon muvaffaqiyat koʻrib, 2010-yilning eng koʻp sotilgan albomi boʻldi. Eminem Relapse va Recovery uchun yana Grammy olib, Grammy mukofotlari soni 13 ga yetdi 2013-yil noyabrida uning sakkizinchi, The Marshall Mathers LP 2 albomi chiqarildi.

Eminem boshqa ishlar, jumladan oʻzining Shady Records studiyasi, Shade 45 radiokanali bilan ham shugʻullanadi. 2002-yil noyabrida Eminem 8 Mile nomli hip hop drama filmida suratga tushdi. Shu film soundtracki uchun Akademiy mukofoti olib, bu mukofotni olgan birinchi rap artisti boʻldi. U shuningdek The Wash (2001), Funny People (2009) filmlarida va Entourage teleserialida rollar oʻynagan

Lola hayoti va ijodi

jabbarovfurqat — Fri, 12 May 2017 11:13:47 GMT

Lola Yoʻldosheva (1985-yil 4-sentabr kuni tugʻilgan) — shunchaki Lola oʻlaroq maʼlum oʻzbek qoʻshiqchisi, bastakori va aktrisasi. Lola 2003-yil „Muhabbatim“ qoʻshigʻi bilan Oʻzbekistonda shuhrat qozongan. U ham oʻzbek, ham rus tillarida qoʻshiq kuylaydi.

Lola 2004-yil „Sevinch“ filmida ilk yirik rolini oʻynadi. Uning aktrisalik mahorati muxlislar va kino olami tanqidchilari tomonidan yuqori baholandi. 2005-yil olingan „Kelgindi kuyov“ filmidagi roli Lolaga yanada koʻproq shuhrat olib keldi. Bu muvaffayiqatdan keyin Lola bir necha filmda rol oʻynadi.

2005-yil Lola turmushga chiqdi va sanʼat olamini nomaʼlum vaqtga tark etdi. 2011-yil yangi konsert dasturi bilan shou-biznesga qaytdi. 2015-yil Lola Rayhon bilan duet ijro etayotib sahnaga „milliy mentalitetga zid“ ochiq qizil koʻylak bilan chiqqani uchun „Oʻzbeknavo“ tanqidiga uchradi. Keyinroq qoʻshiq klipi lesbiyankalarni tasvirlanganlikda ayblanib, qoralandi. Buning ortidan 2015-yilning iyulida „Oʻzbeknavo“ Lolaning litsenziyasini toʻxtatdi.

Hayoti

Lola Yoʻldosheva 1985-yilning 4-sentabrida Toshkent shahrida tugʻilgan. Otasi – Ravshanbek Yoʻldoshev, onasi – Gulnara Yoʻldosheva. Lolaning ikki singlisi (Anora va Asal) hamda ukasi (Rustam) bor.

2005-yil Lola toshkentlik tadbirkor Shohruhga turmushga chiqdi. Ularning ikki farzandlari bor: Shahinabegim va Shohdiyor. 2011-yil Lola va Shohruh ajrashishdi.

Ijodi

Lola boshida Maya taxallusi bilan asosan rus tilida qoʻshiq kuylagan. 2003-yil „Muhabbatim“ qoʻshigʻi bilan Oʻzbekistonda shuhrat qozongan. 2005-yil Lola turmushga chiqdi va sanʼat olamini nomaʼlum vaqtga tark etdi. 2011-yil „Senga“ nomli yangi konsert dasturi bilan shou-biznesga qaytdi.

Lola 2004-yil „Sevinch“ filmida ilk yirik rolini oʻynadi. Film kinoteatrlarda yaxshi natijada koʻrsatdi. Lola saraton kasaliga chalingan qiz rolini yaxshi oʻynagani uchun olqishga sazovor boʻldi. Lolaning „Orzu“ ashulasi film sountrackiga kiritildi.

Lola 2005-yil „Kelgindi kuyov“ filmida oʻynagan roli uchun oʻzbek kino olamida yanada koʻproq shuhrat qozondi. Buning ortidan aktrisa bir necha filmda rol oʻynadi.

Lola 2015-yilning 24-fevralida Rayhon konsertida „Koʻnikmadim“ duetini ijro etish uchun „milliy mentalitetga zid“ ochiq qizil libosda chiqqani uchun „Oʻzbeknavo“dan ogohlantirish oldi. Ayrim oʻzbeklar qoʻshiq klipini lesbiyankalarni aks etganlikda ayblab, tanqid qildi.

2015-yilning martida „Oʻzbeknavo“ ayol qoʻshiqchilarning yelkasi yoki soni ochiq kiyimllar kiyishini, ommaviy tadbirlarda „yarim-yalangʻoch“ chiqishini hamda sahnada ortiqcha seksual elementlarni koʻrsatishini man qildi. Oʻzbekiston Bosh vazirining oʻrinbosari, Xotin-qizlar qoʻmitasi raisi Elmira Bositxonova „Ayrim xonandalarimizning turli ajnabiy va milliylikka yot liboslarni kiyishlari, yoshlarning tarbiyasiga salbiy taʼsir koʻrsatadigan sayoz qoʻshiq matnlari, qoʻpol, behayo va beandisha harakatlar aks ettirilgan kliplarning oila davrasida koʻriladigan ekranlarga uzatilayotganini nima bilan izohlash mumkin?“ dedi. Bositxonovaning bu sharhi ortida 2015-yilning 14-iyulida „Oʻzbeknavo“ Lolaning litsenziyasini toʻxtatdi

Lola bir necha mukofotga sovrindor boʻlgan. 2004-yil „Eng yaxshi sahna libosi“ nominatsiyasida „Tarona“ mukofotini olgan. 2005-yil ikkinchi marta shu mukofot bilan taqdirlangan. 2005-yil yana „Eng yaxshi ayol qoʻshiqchi“ nominatsiyasida ham „Tarona“ mukofotini qoʻlga kiritgan.

Tarkan hayoti va ijodi

jabbarovfurqat — Fri, 12 May 2017 11:04:35 GMT

Tarkan (Husamettin) Tevet oʻgʻli 1972 – yil 17 oktyabrda Germaniyaning Mayn daryosi boʻyida joylashgan Frankfurtdagi uncha katta boʻlmagan Elzee shahrida tugʻilgan. Otasi turkman. Boʻyi 1,74 sm. Vazni 70 kg. Oilasi ota – onasi, ikki akasi va ikki nafar opasi va singlisidan iborat. Musulmon. Istanbul, Dubay va shaharlarida boʻlish unga judayam yoqadi. Xonandalardan Madonna, Jeyms Braun, Stivi Uander, Prins, Eminemlarni miriqib tinglaydi. Shuningdek, tong saharlab Mosartni, tushlik paytida esa “Metallika” ni tinglab tanovul qilishni xush koʻradi. Al Pachino, Bred Pitt, Nikol Kidmanlar ishtirok etgan filmlarni imkon qadar kuzatib borishga intiladi.

Kiyim – kechak tanlashda injiqlik qilmaydi, oziq – ovqatlarni ham tanlamay iste’mol qiladi. Narvonga chiqishga toʻgʻri kelib qolsa, yahshisi tomdagi “oʻlja” dan voz kechib qoʻya qoladi. Ijoddan tashqari paytlarda erkaklar va ayollar parfyumaeriyasi savdo – sotigʻi bilan mashgʻul boʻladi.

Tarkanning ota – onasi – Neshe xonim va Ali Bey Elzeda ijara uyda turar va zavodda ishlardi. Neshe xonim kunlarning birida baxtsiz hodisa tufayli avtohalokatga uchraydi. Bu paytda ayol homilador edi. Rafiqasini zudlik bilan shifoxonaga olib brogan Ali Beyga shifokor – ginekolog Neshe xonimning homilasi abort qilinishi zarurligini, aks holda, chaqaloq majruh tugʻilishinin ma’lum qildi. “Boʻlmagan gap – dedi Ali Bey xotirjamlik bilan, - mana, koʻrasiz, hammasi yahshi boʻladi”. Baxtsiz hodisa yuz berishidan bir nicha kun avval Ali Bey tushida oʻgʻil koʻrgandi, oʻgʻli sogʻlom, oʻtkir ovozli, bir soʻz bilan aytganda, boʻlajak xonanda edi. “Hayotimdagi eng baxtsiz hodisa tugʻilishimgacha boʻlgani rost boʻlsin”, - deydi Tarkan. Tarkanning ota – onasi hamisha rostgoʻy boʻlishga, ich – ichidan qaynab chiqayotgan shirali ovozini jon qulogʻi bilan tinglashga oʻrgatdi. “Olti farzandning beshinchisiga shu qadar katta e’tibor koʻpchilik ota – onalarga xos emas”, - deydi xonanda. Tarkanning bolaligi futbol tomosha qilish bilan oʻtgan. 10 yasharligida shaharchadagi futbol klubi a’zosi boʻlishga erishgan. Futbolchi boʻlmasa, veterinar yoki ekolog boʻlishi mumkin edi, chunki tabiatni asrab – avaylashga tengdoshlari orasida eng koʻp qaygʻuradigani u edi.

Karamurzel shahrida uyi va bogʻi boʻlishini orzu qilgan Ali Beyning harakatlari zoye ketmadi. U tadbirkor savdogar boʻlishi bilan birga nozik qalbli dizayner ham edi. Peshona teri bilan topgan jamgʻarmasi evaziga Karamurzeldan oʻzi istagandek koʻrkam uy sotib oldi, oilasini koʻchirib kelganida, oʻgʻli Tarkan 14 yashar edi. Bu yerda Tarkan mashhur bastakorlar saboq beradigan musiqa maktabiga qatnay boshladi. Bu orada Tarkan muhandislik kasbini egallash uchun ikki doʻsti bilan Istambulga, alohida ijara uyga koʻchib oʻtdi. Biroq fakultet imtihonlarini muvaffaqiyatli topshira olmadi.

Tarkan Istanbul Studiyasining sohibi Mehmet Soğutoğlu bilan, doʻsti Alpay Aydin orqali tanishti. Istanbul Studiasida 1992-yil birinchi albomi "Yine sensiz"(yana sensiz)ni chiqardi. Bu albomdagi "Kil oldum abi" qoʻshigʻi qisqa vaqt ichida tinglovchilar tarafidan juda mashxur boʻldi. Bu qoʻshiq tufayli Turkiya Tarkanni tanidi. 1994-yil Sezen Aksu bilan birgalikda "A-Acayipsin" (ajoyibsan) albomini chiqardi. Bu albomi bilan Turkiya va Yevropada 24 konsert berdi. Bu albomi 2,5 milliondan ortiq sotilgan.

Keyinroq til oʻrganish maqsadida Nyu-Yorkga ketdi. U yerda taniqli Amerika prodyuseri Ahmet Ertegün bilan tanishdi va Atlantic Records'da yangi ishlar yaratdi. 1995-yil Nyu-york - Palladiumda boʻlib oʻtgan konserti juda katta muvofaqqiyatlar keltirdi. 1997-yil iyul oyida 3-albomi "Olurum Sana"ni chiqardi. U albom eng koʻp sotilgan albomlaridan biri boʻldi. Oʻsha yili HITT deb nomlangan oʻz musiqa shirkatini qurdi. 1998-yilda Tarkan, Walt Disneyning Gerakl ismli multfilmining turkcha dublajida bosh qahramon Geraklga ovoz berdi.

Tarkan 2000-yil 14-yanvar kuni, butun daromati zilziladan keyingi ta'mir ishlari uchun ketgan konsert berish uchun va vatan burji boʻlgan askarlikni ado qilishi uchun Turkiyaga qaytdi. Konsertni berib boʻlgandan koʻp oʻtmay harbiy xizmatga ketdi.

2001-yil Tarkanning Kuzu Kuzu taronasining besh hil versiyasi chiqdi. Keyinroq "Karma" albomi chiqdi. Oʻsha yili AQShning eng tanilgan gazetasi Washington Postda Tarkanni Turkiyaning madaniy ehtiyoj moli ekanligi haqida maqola chiqdi. Washington Post, san'atchining Fransiyadan Denmarkgacha jadvallarda yer egallagan va Rossiyada eng koʻp rus boʻlmagan pop yulduzuning sotilgan albomining sohibi boʻlganini ta'kidladi. 2003-yil "Dudu" albomini chiqardi. Bu albomning birinchi qoʻshigʻi Dudu Rossiyada eng yaxshi chet el qoʻshigʻi deb qabul qilindi. 2004-yil Turkiyaning eng katta benzin sotish firmasi boʻlgan OPETning reklamasida rol oldi. 2005-yil "Bounce" deb nomlangan va katta muvofaqiyatlar keltirgan albomi chiqardi. 2006-yil esa Come Closer deb nomlangan albomini chiqardi. U albomdagi Strat The Fire qoʻshigi uchun 2-taronasini chiqardi. Remiks va taronalardan tashqari 6-turkcha albomi boʻlgan Metamorfozni 26-dekabr 2007-yilda chiqardi. Albomning sotish raqami 10 kun ichida 350.000dan oshdi.

Hozirgi kunda Tarkan Tevetoglu ko'plab qo'shiqlarini yozish bilan band.

2016-yilning aprel oyida olmoniyalik sevgilisi Pinar Dilekka uylandi. Toʻyni avval Istanbulda, soʻng Germaniyning Kyoln (Koʻln) shahrida katta qilib oʻtqazdi.

Shakira hayoti va ijodi

jabbarovfurqat — Fri, 12 May 2017 10:58:23 GMT

Shakira (toʻliq ismi Shakira Isabel Mebarak Ripoll; 1977-yil 2 fevralda Barrankilyada tugʻilgan) — mashhur kolumbiyalik qoʻshiqchi.

1977-yil 2 fevral Barrankilyada Vilyam Mebarak va Nidiya del Karmenning oilasida dunyoga kelgan. Otasi - livanlik va onasi kolumbiyalik unga arab tilidan tarjima qilinganda "yaxshilik va chiroyga toʻla ayol", hindida esa - "yorugʻlik ma'budasi" degan maʻnoni anglatadigan ism berishdi. Shakira oilada ohirgi farzand. Uning bolaligi ona shahri Barrankilyada, kitoblar va lotin amerikalik ritmlar orasida oʻtadi. Otasi - San Blasdagi zargarlik doʻkonining egasi. Oradan koʻp oʻtmay, Shakira musiqa va adabiyotga qiziqa boshlaydi. Uch yoshida Shakira oʻqishni va yozishni bilar, 4 yoshida maktabga borgisi kelar edi, ammo mahalliy ta'lim qonunlari bunga yoʻl qoʻymaydi. Toʻrt yoshidayoq kichik Shaki she'rlar yozardi. Ota-onasi avval ularning isteʻdodi shoir yoki musavvir boʻladi deb oʻylashardi. Maktabda esa oʻqituvchilar boʻlajak yulduzda balerinani koʻrishardi, chunki u juda koʻp raqsga tushardi. Shakiraning bolaligidan eng sevimli raqsi bu - qorin raqsidir. Faqat 8 yoshida ota-onasi unda qoʻshiqchini koʻrishadi. Shu yoshida u don Villiamning optikasi ta'siri ostida "Sening qora koʻzoynaklaring" (Tus gafas oscuras) qoʻshigʻini yozadi.

Oʻzining birinchi albomi - "Magia"ni Shakira 13 yoshida, Sony Discos bilan shartnoma imzolab yozadi. Shakirani har doim rokka tortar edi, ammo Sony'ning prodyuserlari unga koʻproq pop-qoʻshiqchi ampluasi toʻgʻri keladii deb hisoblashadi. Ammo, albom muvaffaqiyatga erisha olmaydi. Qoʻshiqchining ikkinchi albomi - "Peligro" (Havf) ham boʻlajak yulduzni mashhur qilmaydi, sotuvlari hattoki dastlabki albomdan kam boʻladi. Yosh qoʻshiqchi bilan uchta albomga shartnoma imzolagan Sony Discos ovoz yozish kompaniyasi unga ohirgi shansni beradi, Shakira esa bunga javoban uning ishlariga aralashmaslikni talab qiladi. 1995-yili prodyuser Luis Fernando Ochoa qoʻli ostida chiqarilgan "Pies descalzos, suenos blancos" (Yalang oyoqlar, yuksak orzular) albomi Shakiraga ona yurtida hamda ikkala Amerika qit'asida shuhrat olib keladi. Albom pop-rok va lotin amerikalik ritmlarning aralashmasidan iborat boʻlib, 4 million nusha bilan tarqaladi. Muvaffaqiyatini u navbatdagi diski "Dónde Están Los Ladrones?" (Oʻgʻrilar qayda?)ni chiqarib mustahkamlaydi, hozirgacha bu albom uning butun ispan tilidagi karyerasidagi eng yaxshi ijodi deb hisoblanadi. Dunyoviy shuhratga Shakira 2001-yili Whenever, Wherever tufayli erishadi. Besh yil oʻtib esa, u Wycleaf Jean bilan birgalikda yozilgan Hips Don't Lie singli bilan birinchi marotaba Billboard Hot 100ning choʻqqisiga chiqadi.

Shakira 1994-yili Kolumbiyada "El Oasis" televizion serialida Luisa-Mariya rolini ijro etadi.

2000-yili Shakira oʻsha paytda Argentina prezidentining oʻgʻli Fernando de lya Rua bilan uchrashishni boshladi. 2001-yil martida Antonio unga turmushga chiqishni taklif etadi. Juftlik 2007-yili toʻyini oʻtkazishni planlashtirgan. Shakira futbolchi Gerard Piquéga turmushga chiqdi. 2013-yilda Milan ismli oʻgʻli dunyoga keldi. 2015-yilda Sasha ismli oʻgʻli dunyoga keldi.

1997-yili Shakira "Fundación Pies Descalzos" (Yalang oyoqlar fondi) hayriya tashkilotiga asos soladi. Bu tashkilot faoliyatining asosiy yoʻnalishi Kolumbiya va Lotin Amerikasining boshqa davlatlarining kam ta'minlangan oilalardan boʻlgan bolalar uchun maktablarni sponsorlash. Yana Shakira ALAS (Artistas Latinos En Acción Solidaria) fondining ilhomlantiruvchisi boʻldi. Bu fondga 2006-yili asos solingan boʻlib, unga Alejandro Sans, Juanes, Miguel Bose va boshqalar a'zodirlar. Shakira shuningdek, UNICEFning eng yosh elchisidir.

Selena Gomez hayoti va ijodi

jabbarovfurqat — Fri, 12 May 2017 10:52:06 GMT

Selena Marie Gomez (22-iyul, 1992) amerikalik aktrisa va musiqachidir. Gomez debut roli Barney & Friends serialidagi Gianna roli boʻldi (2002—2004). Bundan keyin Gomez Spy Kids 3-D: Game Over]] (2003) va Walker, Texas Ranger: Trial by Fire (2005) kabi filmlarda kameo rollarni ijro etdi. 2006-yilda Gomez Disney Channel'ning The Suite Life of Zack & Cody va Hannah Montana seriallarida mehmon yulduz sifatida qatnashdi. Gomez bundan keyin Disney Channel'ning Wizards of Waverly Place serialida suratga tushdi. Teleserial tanqidiy va tijoriy muvaffaqiyat boʻlib, Gomez'ga qator mukofot va nomzodliklarni keltirdi. Gomez keyin Jonas Brothers: Living the Dream (2008) va Disney Channel Games (2008) va boshqa qator Disney serial va filmlarida suratga tushdi. 2009-yilda Gomez Princess Protection Program va Wizards of Waverly Place: The Movie filmlarida rollar oʻyna, Selena Gomez & the Scene guruhi tarkibida Kiss & Tell studiya albomini chiqardi. Albom tijoriy muvaffaqiyat boʻlib, Billboard oʻnligiga kirdi.

Bundan keyin Gomez birinchi marta Disney'dan tashqari Ramona and Beezus filmida suratga tushdi. 2010-yili Selena Gomez & the Scene ikkinchi, A Year Without Rain albomini chiqardi. Albom Billboard beshligiga kirib, ichidagi ikkita singl Top 40 chartga chiqdi. 2011-yilda Gomez pop-musiqachi Justin Bieber bilan munosabatda ekanligi tasdiqlangach, yana omma eʼtiboriga tushdi. Juft media tomonidan "Jelena" deb ataldi. Gomez oʻsha yili Monte Carlo (2011) va The Muppets (2011) filmlarida ijro etdi. 2011-yilda Selena Gomez & the Scene uchinchi, When the Sun Goes Down albomini chiqardi. Albomdagi "Love You Like a Love Song" singli hit boʻlib, unga RIAA tomonidan 4× platina unvoni berildi. Shu albomdan keyin Gomez musiqa taʼtiliga chiqishini va aktrisalikka berilishini eʼlon qildi. Keyin u Hotel Transylvania (2012) va Spring Breakers (2013) filmlarida rol oʻynadi, oxirgi filmda Gomez nisbatan ulgʻaygan ayolni tasvirladi.

Gomez musiqa taʼtilini 2012-yil oxirida yakunladi, yangi, Stars Dance solo albomi ustida ish boshlaganini bildirdi. 2013-yil aprelida chiqqan "Come & Get It" singli Billboard Hot 100 chartining tepa oʻnligiga koʻtarilgan birinchi Selena Gomez ashulasi boʻldi va RIAA tomonidan ikki karra platinaga baholandi. Albomning ikkinchi singli, "Slow Down" 2013-yil iyunida chiqarildi. Butun albom iyulda chiqdi. Musiqa va kinodan tashqari, Gomez yana filantroplik bilan shugʻullanadi: u atrof-muhitni himoyalash xayriya tadbirlarida ishtirok etib turadi.

Kaniza hayoti va ijodi

jabbarovfurqat — Fri, 12 May 2017 10:41:41 GMT

Ahmedova Shahrizoda Farhodovna 28-aprel 1985-yilda Fargʻona viloyati Qoʻqon shahrida ziyolilar oilasida dunyoga kelgan. Millati oʻzbek, maʼlumoti oʻrta mahsus. Xonandaning oilasi katta: ota-onasi, akasi, ikkita opasi hamda ota-onasining erka va kenja farzandi Shahrizoda (Kaniza). Shahrizoda 1992-yilda Qoʻqon shahridagi 21-oʻrta maktabining 1-sinfiga oʻqishga borib, 2001-yilda shu maktabning 9-sinfini tamomlagan. 2001-yilda Toshkent shahridagi „Benkov“ nomidagi Oʻzbekiston Respublikasi rassomchilik kollejining Milliy liboslar dizayni fakultetiga oʻqishga kirib 2004-yilda modelʼer-dizayner dizayner diplomini qoʻlga kiritdi. Oʻqishni tugatgach musiqaga qiziqishni boshlagan va 2006-yildan buyon yakkaxon tarzda oʻz ijodini boshlagan. Bobosi — Oʻzbekiston xalq artisti Murodjon Ahmedovni turmush oʻrtogʻi, yaʼni buvisi Kanizaxonni ismlarini oʻziga taxallus qilib olgan.

Otasi - Ahmedov Farhod Murataliyevich 1948 yilda Qoʻqon shahrida tugʻilgan, millati oʻzbek, hozirgi kunda hususiy tadbirkorlik bilan shugʻullanadi.

Onasi - Hakimova Hafizaxon 1953 yilda Qoʻqon shahrida tugʻilgan, millati oʻzbek, hozirgi kunda Qoʻqon shahridagi "Hafiza" maʼsuliyati cheklangan jamiyatining direktori lavozimida faoliyat yuritadi.

Sanʼat yoʻlidagi faoliyatini 2006 yilda "Janona" guruhidan boshlagan. 2007 yildan hozirgi kunga qadar bobosi Murodjon Ahmedovning turmush oʻrtogʻi, yaʼni buvisi Kanizaxonning ismlarini oʻziga tahallus qilib yakkaxon tarzda oʻz ijodini davom ettirib kelmoqda.

Kaniza — arabcha ism boʻlib, jasur, dovyurak, shaddod qiz maʼnosini anglatadi.

Yaqin doʻsti Otabek Mutalxoʻjayev.

2007-yildan buyon Oʻzbekiston Yoshlar ijodiyot uyining boshlangʻich guruh rahbari lavozimida ishlab kelmoqda. 2009-yilda Oʻzbekiston Respublikasi Prezidentining Yosh isteʼdodlar uchun taʼsis etilgan „Nihol“ mukofoti bilan taqdirlandi. Bundan tashqari oʻzini aktrisa sifati sinab, „Sehrli uzuk“ musiqiy filmida Farangiz ismli qizni rolini ijro etgan.

Rayhon G'aniyeva hayoti va ijodi

jabbarovfurqat — Thu, 11 May 2017 12:06:48 GMT

Rayhon Gʻaniyeva (1978-yil 16-sentabr kuni tugʻilgan) — shunchaki Rayhon oʻlaroq maʼlum oʻzbek qoʻshiqchisi, bastakori, aktrisasi va rejissori. Rayhon 2002-yil „Baxtli boʻlaman“ qoʻshigʻi bilan Oʻzbekistonda shuhrat qozongan. U ham oʻzbek, ham rus tillarida qoʻshiq kuylaydi.

Rayhon oʻzbek kino sanʼatida 2007-yilgi „Kechir“ dramasidagi roli bilan shuhrat qozondi. Uning rolini tanqidchilar ham, kino ishqibozlari ham yaxshi kutib olishdi. Rayhon mazkur filming ssenariysini yozgan va unga rejissorlik qilgan. Ammo undan keyingi yillarda Rayhon birorta ham filmda yirik rol oʻynamadi.

Hayoti

Rayhon Gʻaniyeva 1978-yilning 16-sentabrida Toshkent shahrida tugʻilgan. Onasi Tamara Shokirova taniqli akstria boʻlgan va Oʻzbek SSRda xizmat koʻrsatgan artist unvonini olgan.Otasi Otabek Gʻaniyev ham Oʻzbekistonda va boshqa sobiq sovet mamlakatlarida shuhrat qozongan aktyor boʻlgan.

2012-yil 16-noyabrda Rayhon Toshkent davlat teatr va rassomlik sanʼati institutining 22 yoshli talabasi Yigitali Mamajonovga turmushga chiqdi. Mamajonov bundan keyin Rayhonning bir necha musiqiy klipida rol oʻynadi. 2014-yilning 5-mayida Rayhon egizak oʻgʻil tugʻdi 2015-yilning 9-yanvarida oʻzbek matbuotida atigi ikki yil birga yashagan Rayhon va Mamajonov ajrashayotgani haqida xabar qilindi.

Ijodi

Rayhon Toshkentda joylashgan bolalar musiqa maktabida pianino chalishni oʻrgangan. Keyinchalik u Oʻzbekiston jahon tillari universitetida ingliz tili filologiyasini oʻrgangan.

Uchinchi kursda tahsil olayotgan paytida „Xayol“ deb ataluvchi duetga asos solgan. 2000-yil yakkaxon karyerasini boshlagan. Rayhon 2002-yil chiqarilgan „Baxtli boʻlaman“ qoʻshigʻi bilan Oʻzbekistonda shuhrat qozondi. Qoʻshiq Rayhonning shu nomli albomiga kiritilgan. 2002-til qoʻshiqchi Alisher Navoiy nomidagi opera va balet teatrida koʻpchilik oldidagi ilk kontsertini bergan.

Rayhon oʻzbek kino sanʼatida 2007-yilgi „Kechir“ dramasidagi roli bilan shuhrat qozondi. Rayhon film ssenariysini yozgan va unga rejissorlik qilgan. Filmda u muvaffaqiyatli qoʻshiqchining murakkab hayotini koʻrsatib bergan. Qoʻshiqchi yana shu nom bilan ataluvchi qoʻshiqni bastalagan va kuylagan. Qoʻshiq filmning saundtrekiga kiritildi. Rayhonning rol ijro etish qobiliyatini tanqidchilar ham, kino ishqibozlari ham yaxshi baholashdi. Ammo undan keyingi yillarda Rayhon birorta ham filmda yirik rol oʻynamadi.

Studiyaviy albomlari

Rayhon shu kungacha 13 albom chiqargan.

„Sensiz“ (2001)
„Baxtli boʻlaman“ (2002)
„Sevgilim“ (2004)
„Faqat muhabbat“ (2005)
„Yodingdami?“ (2006)
„Sogʻindim“ (2007)
„Doimo“ (2008)
„Orzuinga ishon“ (2009)
„Tabassum qil“ (2010)
„Sevaveraman“ (2011)
„Sevgi bu nima?“ (2012)
„Oyijon“ (2013)
„Izlama“ (2015)

Mukofotlari

Rayhon bir necha mukofotga sovrindor boʻlgan. U oʻzining ilk „Nihol“ mukofitni 2002-yil olgan. Bu mukofot muvaffiqiyatli oʻzbekistonlik ijodkorlarga beriladi. Oʻsha yili qoʻshiqchi „Eng yaxshi ayol qoʻshiqchi“ nominatsiyasida „Tarona“ mukofoti bilan taqdirlangan Bu mukofot Oʻzbekiston musiqa sanʼatida yutuqlarga erishgan shaxslarga beriladi. 2004-yil Rayhon ikkinchi marta shu mukofot bilan taqdirlandi

Rayhonning „Baxtli boʻlaman“ albomi yuqori baholandi va qoʻshiqchi 2003-yil „Yilning eng yaxshi albomi“ nominatsiyasida „Tarona“ mukofoti bilan taqdirlandi. 2005-yil qoʻshiqchi „Faqat muhabbat“ albomi uchun ham aynan shu mukofotni oldi