O’zimizga atir tanlamoqchi bo’lsak, bu vazifaga har tomonlama yaxshilab yondashish zarur. Chunki, insondan kelayotgan ifor boshqalarni u haqidagi fikrlarini o’zgartirib yuborishga qodir . Eng birinchi bo’lib, sizning didingizga qaysi variant to’g’ri kelishini aniqlashtirib olish zarur (ekstrakt, parfyum – suv, yoki «туалетнаявода»). Yuqorida keltirilgan variantlar o’zining intensivligi, qancha vaqt turishi va hidining kuchi bilan farqlanadi.
 

Atirlarni tanlash uchun sepib ko’rishdan oldin, teringizdan begona hidlar kelmayotganiga yoki boshqa xil atir va sovunlarning hidi yo’qligiga ishonch hosil qiling. Shundagina sinash uchun sepgan duxining iforini to’liq bir butunligicha his qilasiz. Hech qachon atir tanlashda shoshilmang! Aks holda bundanda yaxshirog’ini tanlamaganingizga afsuslanib qolishingiz mumkin. Atir tarkibidagi spirt uni sepgandan so’ng tezda bilinmaydi. Shu sababli, parfyumeriyaning barcha mahsulotlari hidi vaqt o’tishi bilan o’zgaruvchan bo’lib, siz atir do’konida hididan bahramand bo’lgan duxi bir necha kundan so’ng umuman boshqacha ifor kasb etishi mumkin.

O’zingizga yoqqan flakondagi atirni xarid qilishdan oldin, uni sinash(proba) qilish uchun sepib, bu haqida yaqin kishilarning fikri bilan qiziqib ko’ring. Shundagina xarid qilmoqchi bo’lgan atiringizni haqiqiy qiymatiga xolisona baho berishingiz mumkin.