Notanish insonlar bilan tanishishdan oldin barchamizda unga yoqamanmi degan havotir bo’ladi. Insonlar bilan tanishishdan oldin shuni unutmaslik lozimki, har qanday vaziyatda ham o’zimiz qandoq bo’lsak, xuddi shunday ko’rinishimiz lozim! Hayolimizdagi ideal odamga yoki boshqa birovga taqlid qilib o’zni tutish yaxshi natijalarga olib kelmaydi.
 

Suhbatdoshimizda biz haqimizda iliq taassurot qolishini, uning maroqli suhbatdoshiga aylanishni istaymiz.Buning uchun esa etiket qoidalari bilan ozmi – ko’pmi tanish bo’lishimiz kerak. Bu qoidalar nafaqat notanish odam bilan suhbatda, balki kundalik hayoitimizning turli vaziyatlarida bizga qo’l keladi.

Barchamizga ayonki, ayollar birinchi bo’lib erkaklar bilan tanishishni boshlashmaydi. Ushbu hol qizlarning uyatchanligi yoki g’ururli ekanliklari tufayli bo’lishi mumkin. Lekin, ular shunday vaziyatda o’zlari bo’lmasa ham, birovdan ularni o’sha yigitga tanishtirishlarini iltimos qilishlari mumkin.

Ammo birinchi bo’lib, o’g’il bolalarni qizlarga, kichiklarni esa kattalarga taqdim etgan holda tanishtirish maqsadga muvofiq. Agarda bir insonni ko’p odam bo’lgan jamoaga tanishtiradigan bo’lsak, umumiy qilib barchaga ismini aytamiz. Javob tariqasida jamoadagi barchani ismini aytish shart emas. Birinchi taassurotimizda hammani ismini eslab qolmasak ham bo’ladi, keyinchalik sekin – asta yodda saqlab qolish mumkin. Notanish inson bilan tanishgach, yangi suhbatdosh ular bilan tanishganidan minnatdor ekanligini aytishi kerak. Bunda ozgina tabassum xalaqit qilmaydi. Shunday qilib, bundan keyingi uchrashuvlarda suhbatdoshingizda sizning tarbiya ko’rgan , yoqimli suhbatdosh ekanligingiz haqida taassurot uyg’otgan bo’lasiz.